काठमाडौँ,  निर्वाचन आयोगले नेपाली काँग्रेसको आधिकारिकता सम्बन्धि बिबादमा गगनकुमार थापा नेतृत्वको नेपाली कांग्रेसलाई मान्यता दिएको छ । आयोगको शुक्रबार बसेको बैठकले उनलाई सभापतिको मान्यता दिएको हो । जसअनुसार अब नेपाली काँग्रेसको चारतारे झण्डा र चुनाब चिन्ह रुख सहित नेपाली काँग्रेसको भौतिक सम्पति समेत थापा नेतृत्वको कार्यसमितिको स्वामित्वमा रहने भएको छ ।

नेपाली कांग्रेसको बहुमत महाधिवेशन प्रतिनिधि उपस्थित विशेष महाधिवेशनबाट थापा सभापतिमा चयन भएका थिए । सभापति चयन भएसँगै बिहीबार बसेको केन्द्रीय समिति बैठकको निर्णय लगत्तै थापा आधिकारिता दाबी गर्दै आयोग पुगेका थिए । आयोगले सबै डकुमेन्ट अध्ययन  गरेर थापा नेतृत्वको कमिटीलाई आधिकारिकता दिएको जनाएको छ।  कांग्रेसको विशेष महाधिवेशन राजधानीको भृकुटीमण्डपमा पुस २७ देखि ३० सम्म भएको थियो ।

यससँगै नेपाली कांग्रेसको चुनाव चिह्न रुख र चारतारे झण्डा शेरबहादुर देउवाबाट गुमेको छ । देउवा पक्षको तर्फबाट पनि कार्यबाहक सभापति पूर्णबहादुर खडका सहितका नेताहरु शुक्रबार नै निर्बाचन आयोग पुगेर आफूहरु नै आधिकारिक भएको जिकिर सहित बिभिन्न कागजातहरु  बुझाएको थियो ।