पोखरा, राष्ट्रिय सभा निर्बाचनको लागि नेकपा एमालेले उम्मेदवारहरुको टुंगो लगाएको छ । १८ जना राष्ट्रिय सभा सदस्यका लागि हुन लागेको निर्वाचनका लागि एमालेको भागमा परेका ६ जनाको नाम टुंगो लगाएको हो ।

जसअनुसार गण्डकी प्रदेशमा एमालेको भागमा महिला क्लस्टर परेकोमा सम्झना देवकोटालाई उमेदवार बनाइने भएको छ। नेकपा एमालेले नेतृ रामकुमार झाँक्रीलाई लुम्बिनी प्रदेशबाट उम्मेदवार बनाउने भएको छ । एमालेको तर्फबाट कोशीमा रोशनी मेचे, बागमतीमा डा. प्रेमकुमार दङ्गाल,  कर्णालीमा मीना रखाल र सुदूरपश्चिममा लीलाकुमारी भण्डारीलाई उम्मेदवार बनाउने निर्णय भएको छ ।

गण्डकी प्रदेशको खुल्ला क्लस्टरमा नेपाली काँग्रेसको तर्फबाट जगत तिमिल्सिनालाई उमेदवार बनाइने भएको बतैयेपानी कांग्रेसले अझैसम्म आधिकारिक रुपमा कसैको नाम सार्बजनिक गरेको छैन । तनहुँ घर भएका तिमिल्सिना नेपाल प्राध्यापक संघका पुर्व केन्द्रीय सभापति हुन।

आगामी फागुन ११ गने हुने निर्वाचनका लागि आज मनोनयन दर्ता हुँदैछ । आजै मनोनयन दर्ता हुने भए पनि दलहरुबीच भागबन्डाको सहमति भइसकेको छैन । कांग्रेस, एमाले, नेपाली कम्युनिस्ट पार्टी र जनता समाजवादी, नेपालबीच सहमति गर्ने प्रयास भए पनि सफल भएको छैन ।

जसअनुसार एमाले-कांग्रेसलाई ७-७, नेकपालाई ३ र जसपा नेपाललाई एक सिट दिने गरी सहमति प्रयास भएको छ । यसै अनुसार एमालेले उम्मेदवार छनोट गरेको हो । मधेशमा भने एमालेले नाम टुंगो लगाएको छैन ।