पोखरा, नेपाली काँग्रेस केन्द्रीय कार्यसमितिको आकस्मिक बैठक यहि मङ्सिर २८ गते सोमबार (भोलि) बस्ने भएको छ। नेपाली काँग्रेसको १५ औं महाधिबेशन र फागुन २१ गते हुने संसदीय निर्बाचनको बिषयलाई लिएर अनेक किसिमका बहस र अनुमानहरु हुने गरेको बेला कांग्रेसको आकस्मिक बैठक बोलाइनुलाई महत्वका साथ् हेरिएको छ।

नेपाली काँग्रेसका नेता आमोद प्रसाद उपाध्यायको समेत निधन भएको समयमा बैठक डाकिएपछि कतिपय केन्द्रिय सदस्यहरुले समेत किन आकस्मिक बैठक डाकिएको होला भन्ने जिज्ञासा राख्न थालेका छन। तर कांग्रेस नेता एबम पुर्व मन्त्री उपाध्यायको निधनमा शोक प्रस्ताब पारित गर्न बैठक डाकिएको हुनसक्ने कतिपय केन्द्रिय सदस्यहरुले बताएका छन ।

बैठकमा केन्द्रीय समितिका पदाधिकारीहरु, केन्द्रीय सदस्यहरु, आमन्त्रित सदस्य र सात वटा प्रदेशका कांग्रेस सभापतिलाई आमन्त्रण गरिएको कांग्रेस केन्द्रिय कार्यालयका मुख्य सचिब कृष्णप्रसाद पौडेलले गुरुकुल खबरलाई जानकारी दिए ।