पोखरा, पोखरा लनर्स एकेडेमीको १९ औँ वार्षिक खेलकुद कार्यक्रम सुरु भएको छ ।पोखरा ७ माछापुच्छ्रेमार्ग स्थित स्कुलको आफ्नै खेल मैदानमा १९ औंखेलकुद सप्ताह सुरु भएको हो ।
पोखरा महानगरपालिकाका वरिष्ठ शिक्षा अधिकृत कृष्णप्रसाद भण्डारीले विद्यार्थीहरुले तयार गरेको बेलुन उडाएर खेल सप्ताह सुरु भएको घोषणा गरेका थिए ।
विद्यालय व्यवस्थापन समितिकाअध्यक्ष ईश्वर बन्धु गौतमको अध्यक्षतामा भएको उद्घाटन सभामा प्रमुखअतिथि भण्डारीले विद्यार्थीको चौतर्फी विकासको लागि खेल अपरिहार्य हुने बताए ।
शिक्षक कृष्ण लम्सालले सञ्चालन गरेको कार्यक्रममा गण्डकी विश्वविद्यालयका उपप्राध्यापक आशिष आचार्य, सलुट गोर्खा प्रालिका अध्यक्ष राहुल पाण्डे, विद्यालयका संस्थापक प्राचार्य विधान गौतम लगायतले आआफ्नो भनाई राखेका थिए ।
कार्यक्रममा सह प्राचार्य उष्णा गौतमले विद्यार्थीको एककिसिमको गहना खेलकुद पनि हो भन्दै खेलकुदले नियममा रहन सिकाउने बताइन ।
शैक्षिक विभाग प्रमुख आदर्श घिमिरेले विद्यार्थीलाई आँफु सहभागी भएको खेलमा निरन्तरता दिनआग्रह गरेका थिए।
शिक्षक सरस्वती पोख्रेलले जीवन परिवर्तनको लागि खेलले पहिचान बढाउने बताइन ।
विद्यार्थीहरुले तेक्वान्दोको काँताप्रदर्शन, नृत्य प्रदर्शन, बेलुन फुटाईलगायतअन्य खेलहरु खेलेका थिए ।विभिन्न समुहमा विभाजन गरि खेलकुद प्रतियोगिता संचालन गरिएको हो ।
