पोखरा, नेपाली कांग्रेसका महामन्त्री गगन थापाले बिशेष महाधिबेशनको विकल्प नरहेको भन्दै अलमलमा नपर्न सबै कार्यकर्तालाई आग्रह गरेका छन। कांग्रेसमा नियमित वा बिशेष महाधिबेशन मध्ये के गर्ने र कहिले गर्ने भन्ने विषय अझैसम्म पनि नटुंगिएको अबस्थामा महामन्त्री थापाले अब बिशेष महाधिबेशनको विकल्प नरहेको कुरा दोहोर्याएका छन ।
सामाजिक सञ्जाल फेसबुकमा सोमबार दिउँसो थापाले लेखेका छन्,”अब विधान बमोजिम समयभित्रै विशेष महाधिवेशन हुन्छ । त्यहीँबाट नयाँ सभापतिको निर्वाचन हुन्छ । नयाँ सभापतिको हस्ताक्षर सहित निर्णय सच्चिएर निर्वाचन आयोगमा जान्छ । नयाँ नीति र नेतृत्वसहित त्यही हस्ताक्षरमा पार्टी चुनाव लड्छ,’ थापाले फेसबुकमा लेखेका छन् । टिकट वितरणकै लागि आफूहरूले निर्वाचन अगाडि महाधिवेशन भनेको थापाले उल्लेख गरेका छन् । ‘यही कारण हो हामीले निर्वाचन अगाडि नै महाधिवेशन भनेको । अब विशेष महाधिवेशनको विकल्प छैन । कुरा स्पष्ट छ, अलमलमा नपरौँ।”
महामन्त्री थापाले सामाजिक संजालमा लेखेको यो बिषयले कांग्रेस वृत्तमा धेरै चर्चा पाएको छ कतिपयले उनको कुरालाई समर्थन गर्दै आफ्नो प्रतिक्रिया दिएका छन् भने कतिपयले महामन्त्री थापाको यस किसिमको अभिव्यक्तिले पार्टी कमजोर हुने मात्र नभएर पार्टी विभाजन तर्फ उन्मुख हुन सक्ने भन्दै टिप्पणी गरेका छन।
