पोखरा, नेपाल प्रहरीमा रिक्त रहेका पाँच प्रहरी नायब महनिरिक्षक अर्थात डिआईजी पदमा पांचजना प्रहरी बरिष्ठ उपरिक्षक अर्थात  एसएसपीहरुलाई बढुवा गरिएको छ। गत यहि कात्तिक ९ गते उनीहरूलाई बढुवाका लागि सिफारिस गरिएको थियो ।

प्रहरी नायब महानिरीक्षक बढुवा गरिएका एसएसपीहरूमा  भुपेन्द्र खत्री, सानुराम भट्टराई, ओम अधिकारी, शेखर खनाल र अबिनारायण काफ्लेलाई डीआईजीमा बढुवा गर्ने निर्णय अन्तरिम सरकारका गृहमन्त्री ओमप्रकाश अर्यालले गरेका हुन् ।

बढुवा गरिएका डिआईजीहरु मध्ये भुपेन्द्र खत्रीलाई नेपाल प्रहरीको केन्द्रीय अनुसन्धान ब्यूरो सीआईबीमा,  सानुराम भट्टराईलाई अपराध अनुसन्धान विभागमा, ओम अधिकारीलाई उपत्यका प्रहरी कार्यालयमा, शेखर खनाललाई अख्तियारमा र अविनारायण काफ्लेलाई प्रहरी महानिरीक्षकको सचिवालयमा पदस्थापन गरिएको बताइएको छ ।