काठमाडौं, गरिमा विकास बैंकले आफ्ना सेयरधनीलाई करिब ११  प्रतिशत लाभांश दिने भएको छ । यहि कात्तिक २ गते बसेको बैंकको सञ्चालक समितिको बैठकले कर प्रयोजनसहित ४.५३ प्रतिशत नगद लाभांश र ६ प्रतिशत बोनस सेयर गरि १०.५३ प्रतिशत लाभांश दिने प्रस्ताव गरेको हो ।

उक्त प्रस्तावलाई नेपाल राष्ट्र बैंकले स्वीकृत प्रदान गरेपछि बैंकको आगामी वार्षिक साधारण सभाबाट त्यस प्रस्ताबलाई पारित गर्ने र त्यसपछि मात्र सेयरधनीले लाभांश प्राप्त गर्नेछन् ।

बैंकले कात्तिक २७ गते होटल पोखरा ग्राण्डमा वार्षिक साधारणसभाको आयोजना गर्ने निर्णय गरेको छ । वार्षिक साधारणसभा प्रयोजनका लागि बैंकले कात्तिक १८ गते एक दिन बुक क्लोज गर्ने निर्णय पनि गरेको छ । कात्तिक १७ गतेसम्म सेयर खरिद गरी नेपाल स्टक एक्सचेन्ज (नेप्से)मा सूचीकृत भएकाहरू साधारणसभामा भाग लिन र लाभांश पाउन योग्य हुनेछन् ।