पोखरा, राष्ट्रिय स्वतन्त्र पार्टी (रास्वपा) नेता सुमना श्रेष्ठले आंफ्नो पार्टी परित्याग गरेर सुशीला कार्की नेतृत्वको अन्तरिम सरकारमा मन्त्री हुने तयारीमा रहेको बुझिएको छ ।

श्रोतका अनुसार रास्वपा नेता श्रेष्ठले शनिबार मन्त्रिमण्डलमा जाने अन्य संगै शपथ लिने तयारी गरेकी छन । शुक्रबार साँझ शितल निवासमा आयोजना गरिएको नवनियुक्त प्रधानमन्त्री कार्कीको सपथग्रहण समारोहमा समेत श्रेष्ठ सहभागी भएकी थिईन  ।

उनले नवनियुक्त प्रधानमन्त्री कार्कीलाई बधाई दिँदै अंकमाल गरिन् । योसँगै श्रेष्ठले रास्वपा पार्टी परित्याग गरेको बताइएको छ ।

यसैबीच रास्वपाका कास्कीमा क्रियाशील नेता उत्तम प्रसाद पौडेलले सुमना श्रेष्ठ सुशिला कार्कीको मन्त्रिमण्डलमा जाने भन्ने कुरालाई लक्षित् गर्दै फेसबुकमा लेखेका छन “यो समाचार सत्य नहोस ! यदि रहेछ भने चै राम्रो भयो । रबिदाइलाइ पहिलैबाट भन्दै आएको थिए, अवसरवादी चिन्नुस है भनेर । गएत के भो र अर्का आउॅछन !”