पोखरा, नेपाली कांग्रेसका नेता तथा नेपाल सरकारका उपप्रधानमन्त्री एबम शहरी बिकास मन्त्री प्रकाशमान सिंह सोमबार (भोलि) पोखरामा हुने बिभिन्न कार्यक्रममा सहभागी हुने भएका छन।

प्रधानमन्त्री केपी शर्मा ओली आइतबार राति केहि दिनको लागि नेपाल बाहिर जाने भएकोले उपप्रधानमन्त्री सिंह मुलुकको कार्यबाहक प्रधानमन्त्रीको हैसियतमा पोखरामा हुने कार्यक्रममा सहभागी बन्ने नेपाली काँग्रेसका केन्द्रीय सदस्य गुरु बरालले गुरुकुल खबरलाई जानकारी दिए ।

नेता सिंह सोमबार बिहान बिमानबाट पोखरा आउने र त्यसपछि शहरी बिकास मन्त्रालय अन्तर्गत पोखरा महानगरपालिका- ७ मा नबनिर्मित भवनको उद्घाटन गर्ने कार्यक्रम रहेको छ ।

उक्त कार्यक्रम पछि कांग्रेस नेता सिंहले नेपाली काँग्रेस गण्डकी प्रदेश कार्यालयमा नेपाली काँग्रेसका कार्यकर्ताहरुसंग भेटघाट गर्ने कार्यक्रम तय गरिएको छ । दिउँसो करिब १ बजे हुने कार्यकर्ता भेटघाट कार्यक्रममा नेता सिंहसंग कार्यकर्ताहरुले आफ्नो कुरा समेत राख्न पाउने नेपाली काँग्रेस गण्डकी प्रदेशका प्रबक्ता माधवप्रसाद बाँस्तोला मधुले जानकारी दिए ।