पोखरा, पोखराको जनप्रिय बहुमुखी क्याम्पसमा यस बर्ष कक्षा ११ मा भर्ना भएका नवआगन्तुक विद्यार्थीहरूका लागि सोमबार स्वागत तथा अभिमुखीकरण कार्यक्रम आयोजना गरियो ।

क्याम्पसको प्लस टु कार्यक्रम संयोजक गणेश चालिसेको सभापतित्वमा सम्पन्न उक्त कार्यक्रममा जनप्रिय क्याम्पस सञ्चालक समितिका अध्यक्ष  वीरेन्द्रनारायण बिजुक्छे र क्याम्पस प्रमुख कृष्णबाबु बरालले नवआगन्तुक विद्यार्थीहरूलाई खादा, माला र अबिर लगाई स्वागत गरेका थिए ।

त्यस अबसरमा बोल्दै प्रमुख अतिथि समेत रहेका क्याम्पसका अध्यक्ष बिजुक्छेले जनप्रिय क्याम्पसलाई उत्कृष्ट शैक्षिक संस्थाका रूपमा रोजेकोमा विद्यार्थीहरू प्रति आभार सहित शैक्षिक सफलताको कामना गरेका थिए । उनले आगामी दिनमा लगनशील र अनुशासित भई अध्ययन गर्न बिधार्थीहरुलाई सुझाब दिए ।

कार्यक्रममा बोल्दै क्याम्पस प्रमुख बरालले विद्यार्थीहरूलाई शैक्षिक सफलताको शुभकामना व्यक्त गर्दै दक्ष जनशक्ति बन्न बिधार्थीहरुले पनि परिश्रम गर्नुपर्नेमा जोड दिए ।

क्याम्पसको विज्ञान संकायका रामबाबु मण्डल, शिक्षा विभागका विभागीय प्रमुख रमेश थापा र अर्थशास्त्र विभागका विभागीय प्रमुख शिलु  चालिसेले पनि विद्यार्थीहरूलाई स्वागत गर्दै शुभकामना व्यक्त गरेका थिए।

कार्यक्रममा कक्षा १२ का विद्यार्थी आश्विन पोखरेल, पूजना थापा, आरती ढकाल, अन्जु थापा र नवआगन्तुक विद्यार्थी सपना क्षेत्रीले पनि आफ्ना भनाइ राखेका थिए । विद्यार्थीहित शाखा प्रमुख बेदहरी तिमिल्सिनाले विद्यार्थीहरूलाई अभिमुखीकरण सहित उत्प्रेरित हुने अभिव्यक्तिका साथ संचालन गरेको उक्त कार्यक्रममा स्वागत मन्तव्य अग्रेजी विभागका विभागीय प्रमुख टंकराज बरालले राखे का थिए ।

जनप्रिय बहुमुखी क्याम्पसमा कक्षा ११/१२ तर्फ विज्ञान, व्यवस्थापन, मानविकी र शिक्षा संकायमा पढाई हुँदै आएको छ भने स्नातक तहमा बिबिए, बिआईएम, बिएमटीएम, बिबिएस, बिए , बिएड , बिएससी, एमबिएस, एमबि ए ईन हस्पिट्यालिटिको पनि अध्यापन हुने गरेको छ क्याम्पसमा हाल करिब चार हजार बिधार्थी अध्ययनरत छन।