काठमाडौँ, काठमाडौँको लाजिम्पाटमा प्रधान कार्यालय रहेको गरिमा विकास बैंक लिमिटेडले नेपाल पत्रकार महासंघलाई डिजिटल प्रिन्टर सहयोग स्वरूप हस्तान्तरण गरेको छ। नेपाल पत्रकार महासंघका सदस्यहरुको परिचयपत्र छपाई लगायतका अन्य आबश्यक काम गर्नको लागि गरिमा विकास बैंकले उक्त प्रिन्टर हस्तान्तरण गरेको बैंकका डेपुटी म्यानेजर भोला तिवारीले गुरुकुल खबरलाई जानकारी दिए।

नेपाल पत्रकार महासंघका करिब १५ हजार सदस्यको डिजिटल कार्ड प्रिन्ट गर्ने सहित अन्य आबश्यक काम गर्नको लागि प्रिन्टर आबश्यक परेकोमा गरिमा विकास बैंकले प्रिन्टर सहयोग गरेपछि कार्ड छाप्ने लगायतका काम गर्न सहज हुने अपेक्षा गरिएको नेपाल पत्रकार महासंघका महासचिब रामप्रसाद दाहालले बताए। महासंघका केन्द्रीय सदस्य नारायण अधिकारीका अनुसार उक्त प्रिन्टरको मुल्य करिब १ लाख ५० हजार रुपैया रहेको छ।

नेपाल पत्रकार महासंघको केन्द्रीय कार्यालयमा आयोजित कार्यक्रममा गरिमा विकास बैंक लिमिटेडका चिफ म्यानेजर संजु जैसवाल र  डेपुटी म्यानेजर भोला तिवारीले नेपाल पत्रकार महासंघका केन्द्रीय अध्यक्ष निर्मला शर्मा, उपाध्यक्ष उमीद बागचन्द, महिला उपाध्यक्ष नितु पण्डित, महासचिब रामप्रसाद दाहाल, सचिब प्रकाश धौलाकोटी र सदस्य नारायण अधिकारी लगायतको टोलीलाई प्रिन्टर हस्तान्तरण गरेका थिए ।