काठमाडौँ, भारतको अहमदाबादमा २ सय ४२ यात्रु सवार बिमान दुर्घटनामा परेको छ उक्त बिमान भारतको गुजरातबाट लन्डनको लागि उडेको केहि बेरमै स्थानीय मेघानीनगरमा दुर्घटना भएको थियो ।
एयर इन्डियाको बोइङ ७८७ ड्रीमलाइनर विमान लन्डनतर्फ उडान भर्दै गर्दा टेकअफको क्रममा विमानस्थलको सीमा नजिकै दुर्घटनाग्रस्त भएको थियो । विमानस्थल क्याम्पसँगै रहेको एयर कस्टम कार्गो कार्यालय नजिकै विमान दुर्घटनाग्रस्त भएको भारतीय सञ्चारमाध्यमले जनाएका छन ।
विमान खस्ने बित्तिकै सम्पूर्ण क्षेत्रमा धुवाँको मुस्लो देखियो । दुर्घटनापछि प्रहरी टोली घटनास्थलमा पुगेको छ भने ७ वटा दमकल र एम्बुलेन्स पनि दुर्घटनास्थलमा पुगेर उद्द्वार कार्यमा जुटेका छन्। एनडीआरएफका २ वटा टोली पनि उद्धार कार्यमा संलग्न छन्।
गृहमन्त्री अमित शाहले विमान दुर्घटनाबारे गुजरातका मुख्यमन्त्री भूपेन्द्र पटेल र प्रहरी आयुक्तसँग छलफल गरेका छन्। केन्द्र सरकारबाट उनलाई सबै सम्भव सहयोगको आश्वासन दिइएको छ।
भारतीय सञ्चारमाध्यम न्यूज २४ अनलाइनका अनुसार दुर्घटनामा परेको विमानमा गुजरातका पूर्व मुख्यमन्त्री विजय रुपाणी पनि सवार रहेको खबर छ।
