काठमाडौं,  वरिष्ठ पत्रकार भैरव रिसालको ९७ बर्षको उमेरमा निधन भएको छ । मुटु र फोक्सोसम्बन्धी रोगको उपचार गराइरहेका वरिष्ठ पत्रकार रिसालको बानेश्वरस्थित फ्रन्टलाइन अस्पतालमा उपचारका क्रममा निधन भएको उनका माइला भाइ पुरु रिसालले जानकारी दिए ।दिउँसो अस्पतालमा उपचारका लागि भर्ना गरिएका रिसाललप आइतबार  थियो राति करिब आठ बजे निधन भएको हो ।

वरिष्ठ पत्रकार रिसालले राष्ट्रिय समाचार समिति (रासस)मा प्रमुख समाचारदाताको समेत जिम्मेवारी निर्वाह गरेका थिए । लामो समयदेखि पत्रकारिता र समाजसेवामा समर्पित वरिष्ठ पत्रकार रिसालले राससमा काम गर्नुअघि तथ्यांक विभागमा रहेर काम गरेका थिए । रिसालका ‘साधुलाई सुली’ (जेल डायरी), ‘लोग्नेस्वास्नी’, ‘केही मित्रका चिठी’ कृति र ‘भैरव दाइ’लगायत पुस्तक प्रकाशित छन् । उनका श्रीमती, दुई छोरा र दुई छोरी छन् । आफ्नो सक्रिय जिबनमा उनि पत्रकारिता गर्दै र सिकाउंदै देशभर हिंडेका थिए ।

स्व. रिसालका माइला भाई पुरू रिसाललेका अनुसार रिसालले शरीर दान गरेकाले पाटन स्वास्थ्य विज्ञान प्रतिष्ठानमा उनको शरीर लगिने भएको छ। छोरी सुष्मा रिसालले पनि बुवा भैरब रिसालको शरीर पाटन स्वास्थ विज्ञान प्रतिष्ठानमा लैजाने तयारी भैरहेको जानकारी दिईन ।

उनको जन्म १९८५ साउन २९ गते भक्तपुरको तिथलीमा भएको थियो । वरिष्ठ पत्रकार रिसालले यसअघि नै मृत्यपश्चात् आफ्नो शरीर अध्ययनका लागि पाटन अस्पताललाई दिने घोषणा गरेका थिए ।

वरिष्ठ पत्रकार रिसालले मानवअधिकारसम्बन्धी, जगदम्बा श्री र वातावरण संरक्षणसम्बन्धी विभिन्न पुरस्कार प्राप्त गरेका छन् । उनले रेडियो सगरमाथामा लामो समय ‘उहिले बाजेका पालामा’ रेडियो शृंखला सञ्चालन गरेका थिए । वामपन्थी विचारधारा बोक्ने रिसाल २०४८ सालको आमनिर्वाचनमा नेपाल मजदुर किसान पार्टीका तर्फबाट भक्तपुरबाट उमेदवार बनेका थिए ।

…