पोखरा, गण्डकी प्रदेश सरकारले प्रदेश अन्तर्गतका विभिन्न जिल्ला खेलकुद विकास समितिका पदाधिकारी तथा सदस्यहरु नियुक्ति गरेको छ। सत्ता साझेदार दल नेपाली काँग्रेस र नेकपा एमालेले भागबण्डा गरेर ११ जिल्लामध्ये काँग्रेसले ६ जिल्ला र एमालेले ५ जिल्लाको अध्यक्ष लिएको छन।  जस अनुसार गण्डकी प्रदेशका ६ वटा जिल्लामा काँग्रेसले अध्यक्ष र कोषाध्यक्ष तथा बाँकी जिल्लामा  उपाध्यक्ष र सचिव सहित सदस्यहरू पाएको छ । यसैगरी नेकपा एमालेले ५ वटा जिल्लामा अध्यक्ष र कोषाध्यक्ष तथा बाँकी जिल्लामा उपाध्यक्ष र सचिब पद पाएको छ ।

गण्डकी प्रदेशका ११ जिल्ला मध्ये हाल ८ वटा जिल्लाको पदाधिकारी र सदस्यहरू टुंगिएका छन् । कास्की, मनाङ, स्याङ्जा, गोरखा, बागलुङ र म्याग्दीमा काँग्रेसले नेतृत्व पाएको छ भने तनहुँ, लमजुङ, नवलपुर, पर्वत र मुस्ताङमा एमालेले नेतृत्व पाएको छ ।

सोहि अनुरुप नेपाली काँग्रेसको भागमा परेको कास्की जिल्ला खेलकुद विकास समितिको अध्यक्षमा मिलन गुरुङ र कोषाध्यक्षमा विगनेस थापा चयन भएका छन् । कास्की जिल्ला खेलकुद बिकास समितिको अध्यक्षमा चयन भएका मिलन गुरुङ एन्फा कास्कीका पूर्व अध्यक्ष तथा एन्फा गण्डकीका उपाध्यक्ष समेत हुन।  उनि नेपाली काँग्रेसको क्षेत्रिय प्रतिनिधि सहित नेपाल तरुण दलमा समेत सक्रिय थिए गुरुङ यस अगाडी गण्डकी प्रदेशका तत्कालिन युवा तथा खेलकुद मन्त्री राजिब गुरुङ अर्थात दिपक मनांगे संगको टकरावको कारण पनि चर्चामा आएको व्यक्तित्व हुन।

कास्की जिल्ला खेलकुद समितिको उपाध्यक्षमा तिलक अधिकारी क्षेत्री र सचिवमा अन्जु क्षेत्री चयन भए । दुबै जना नेकपा एमालेमा सक्रिय छन  सचिबमा नियुक्त अन्जु केसी नेकपा एमालेको गण्डकी प्रदेश सदस्य, पोखरा महानगरपालिका -५ को पूर्व जनप्रतिनिधि एबम नेकपा एमालेकी नेत्री हुन। उनि नारी जागरण अभियानकी संयोजक एबमअभियन्ताको रुपमा समेत परिचित छन। शपथ ग्रहण एबम परिचयात्मक कार्यक्रममा कास्कीको अध्यक्षमा मनोनित मिलन गुरुङ भने आफ्नो बुवा तिलबहादुर गुरुंगको निधनका कारण मंगलबारको कार्यक्रममा उपस्थित थिएनन।

प्रदेश खेलकुद परिषद गण्डकीको सभाकक्षमा आयोजिक एक कार्यक्रममा गण्डकी प्रदेश सरकारका सामजिक विकास, यूवा तथा खेलकुद मन्त्री विन्दु कुमार थापाको रोहबरमा परिषदका सदस्य सचिब श्रीधर शर्माले नबनियुक्त पदाधिकारीहरुलाई सपथ ग्रहण गराएका थिए । गण्डकी प्रदेशका जिल्ला खेलकुद विकास समितिका पदाधिकारी र सदस्यको पद गत फागुन ९ गते रिक्त भएका थिए ।

त्यस अबसरमा बोल्दै मन्त्री थापाले आसन्न दशौं राष्ट्रिय खेलकुद प्रतियोगिताका लागि तयारी अवस्थामा रहन सबैलाई आग्रह गरे। उनले पालिका हुँदै जिल्लाको खेलाडी छनोटको कार्य जिल्ला खेलकुद विकास समितिको नेतृत्वमा रहेकोले उत्कृष्ट खेलाडी छनौट गर्न पनि उनीहरुलाई आग्रह गरे । उनले दशौं राष्ट्रिय खेलकुदका लागि ३ करोड ३० लाख रकम विनियोजन गरिएको बताउँदै प्रदेश सरकार खेलाडीहरुको हितका लागि गम्भिर रहेको बताए ।

कार्यक्रममा प्रदेश खेलकुद परिषदका उपाध्यक्ष धोज कुमार गुरूङले खेलकुद विकासको अभिभारा जिल्ला समितिमा निहित रहेको बताउँदै समितिका पदाधिकारीहरुले आफ्नो जिम्मेवार अनुरुप अघि बढन आग्रह गरे ।

सो अवसरमा परिषदका महाशाखा प्रमुख राम प्रसाद आचार्यले मनोनयन भएका पदाधिकारीहरुलाई बिबिध बिषयमा जानकारी गराएका थिए ।

कुन जिल्लामा को को ?

गोर्खा – अध्यक्षमा प्रेम बहादुर तामाङ, उपाध्यक्षमा मकेश बानियाँ, सचिवमा अमृता गुरूङ र कोषाध्यक्षमा होम बहादुर थापा मगर

लम्जुंग – अध्यक्षमा सुमन श्रेष्ठ, उपाध्यक्ष अमृता पौडेल, सचिवमा मिन प्रसाद घले र कोषाध्यक्षमा रवि थापा

तनहुँ – अध्यक्षमा अनिल पाण्डे (पुनः दोहोरिएको), उपाध्यक्षमा इनकन पोख्रेल खनाल, सचिबमा विश्व कुमार बुढा र कोषाध्यक्षमा कविराज श्रेष्ठ

कास्की – अध्यक्षमा मिलन गुरूङ, उपाध्यक्षमा तिलक अधिकारी क्षेत्री, सचिबमा अन्जु केसी र कोषाध्यक्षमा विग्नेश थापा

स्याङजा – अध्यक्षमा प्रकाश रेग्मी (पुनः दोहोरिएको), उपाध्यक्षमा विजय विक्रम खाँड, सचिबमा विद्यादेवी भट्टराई र कोषाध्यक्षमा धिरज खाँड

पर्वत – अध्यक्षमा जङ्ग बहादुर पुन मगर, उपाध्यक्षमा राजन गुरूङ, सचिवमा सपना पुर्जा पुन मगर र कोषाध्यक्षमा जगत प्रसाद लामिछाने

बागलुङ – अध्यक्षमा (निर्णय हुन बाँकी), उपाध्यक्षमा कल्पना श्रेष्ठ र सचिवमा किशोर थापा, कोषाध्यक्ष (मनोनयन हुन बाँकी)

म्याग्दी – अध्यक्षमा सुमन श्रेष्ठ, उपाध्यक्षमा विष्णु कुमार रोक्का, सचिबमा कुमार किशान र कोषाध्यक्षमा नरेश पुन

नवलपुर, मनांग, मुस्तांग – निर्णय हुन बाँकी रहेको ।