पोखरा, नेपाल कम्युबिष्ट पार्टी माओवादी सम्बद्ध पत्रकारहरुको संस्था प्रेस सेन्टर नेपालको महाधिबेशनले कमल गिरि अध्यक्ष रहेको नयाँ केन्द्रीय कार्यसमिति निर्बाचित गरेको छ। आइतबार राती सम्पन्न मतगणनाको परिणाम अनुसार पार्टी हेडक्वार्टरको उमेद्वार मानिने कमल गिरीले जनार्दन शर्मा प्रभाकर समुहको उमेद्वार मानिएका दिपेन्द्र रावललाई पराजित गरे। अध्यक्षमा निर्वाचित गिरीले तीन सय ६६ मत प्राप्त गर्दा रावलले एक सय ७५ मत प्राप्त गरेका छन् । गिरी यस अघि वरिष्ठ उपाध्यक्ष थिए भने रावल उपाध्यक्ष थिए ।
निर्वाचन समितिका संयोजक गोविन्द आचार्यका अनुसार २९ जनाको पदाधिकारीमा अध्यक्ष, वरिष्ठ उपाध्यक्ष तथा महासचिव सहित विभिन्न १२ पदमा प्रतिस्पर्धाबाट निर्वाचित भएका छन् । उनले १७ जना पदाधिकारी निर्विरोध निर्वाचित भएको जानकारी दिए। पदाधिकारी बाहेक प्रदेशबाट प्रतिनिधित्व गर्ने केन्द्रीय सदस्य, आरक्षणबाट आउने केन्द्रीय सदस्य, विभिन्न आयोगका पदाधिकारी एवं सदस्यहरु निर्विरोध निर्वाचित भएका छन् ।
वरिष्ठ उपाध्यक्षमा चितवनका सुरेशचन्द्र अधिकारी निर्वाचित भएका छन् । अधिकारीले सुदिप बर्देवालाई दुई सय ८६ मतान्तरले पछि पार्दै वरिष्ठ उपाध्यक्षमा निर्वाचित भएका हुन् । निर्वाचित अधिकारीले तीनसय ९७ मत प्राप्त गरेका थिए भने बर्देवाले एक सय ११ मत प्राप्त गरेका थिए । अधिकारी यस अघि उपाध्यक्ष थिए भने बर्देवा केन्द्रीय सदस्य मात्रै थिए ।
संगठनमा ५ जना उपाध्यक्ष भने निर्विरोध निर्वाचित भएका छन् । उपाध्यक्ष खुलामा रामसिंह ठगुन्ना, लक्ष्मण खड्का र विवेक गौतम, उपाध्यक्ष महिलामा शान्ता अधिकारी र उपाध्यक्ष समावेशीमा दीपक श्रेष्ठ निर्विरोध निर्वाचित भएका छन् । उपाध्यक्ष चयन भएका ५ जना मध्ये अधिकारी यस अगाडी सचिव, श्रेष्ठ उपमहासचिव र बाँकी ३ जना यस अघि पनि उपाध्यक्ष नै थिए ।
संगठनको महासचिवमा मनोज घर्तीमगर निर्वाचित भएका छन् । उनले अर्का उम्मेदवार दीपेन्द्र शर्मालाई दुइसय ३१ मतान्तरले पछि पार्दै महासचिव निर्वाचित भएका हुन् । निर्वाचित घर्तीमगरले तीन सय ७९ मत प्राप्त गर्दा शर्माले एकसय ४८ मत प्राप्त गरेका छन् ।
यस्तै उपमहासचिव खुलामा ज्ञानप्रसाद पौडेल निर्वाचित भएका छन। उनले बोमलाल गिरीलाई ९ मतान्तरले पछि पार्दै निर्वाचित भएका हुन् । उपमहासचिव महिलामा लक्ष्मी आचार्य, उपमहासचिव दलितमा हरिश बिक, उपमहासचिव मधेशीमा अनिल मिश्र, उपमहासचिव आदिवासी जनजातिमा बुद्ध लोप्चन निर्विरोध निर्वाचित भएका छन् ।
कोषाध्यक्षमा भएको निर्वाचनमा वसन्त गिरी निर्वाचित भएका छन् । उनले अर्का उम्मेदवार डा. डक्टप्रसाद धिताललाई १४८ मतान्तरले पछि पार्दै निर्वाचित भएका हुन् । निर्वाचित गिरीले ३३५ मत प्राप्त गर्दा धितालले भने १८७ मत प्राप्त गरेका छन् । लेखा समितिको संयोजकमा अमृतराज तिवारी र सचिवमा भीम राई, अनुशासन समिति संयोजकमा गुनाराम घिमिरे र सचिवमा कृष्ण लेकाली निर्विरोध निर्वाचित भएका जानकारी गराए ।
सचिव खुलामा सुरेन्द्र चालिसे र सन्तोष देउजा निर्वाचित भएका छन् भने सचिव महिलामा अञ्जली थापा, सचिव समावेशीमा अवतार राई निर्वाचित भएका छन् । यस्तै प्रदेशबाट निर्वाचित हुने सचिवमा प्रदेश एकबाट दीपेन्द्रकुमार राई, मधेश प्रदेशबाट सुनिता बराल, बागमती प्रदेशबाट मीनकुमार दाहाल, गण्डकी प्रदेशबाट दीपक भट्टराई, लुम्बिनी प्रदेशबाट मानसिंह बिक, कर्णाली प्रदेशबाट गाणेश कञ्चन भारती, सुदूरपश्चिम प्रदेशबाट राजेन्द्र अवस्थी निर्विरोध निर्वाचित भएका छन् । भूगोल बाहेक उपत्यका प्रदेशबाट नवराज दाहाल, प्रतिष्ठान प्रदेशबाट केशव भुल र एसोसियट प्रदेशबाट नन्दलाल तिवारी निर्विरोध निर्वाचित भएका छन् ।
गण्डकी प्रदेशका चार केन्द्रीय सदस्य सहित पदाधिकारी
प्रेस सेन्टर नेपालको केन्द्रीय समितिमा गण्डकी प्रदेशबाट प्रतिनिधित्व गर्ने चार केन्द्रीय सदस्यमा पोखराका कृष्ण दवाडी र घनश्याम पाण्डे सहित लम्जुंगकी जुना थापा र बाग्लुंगका थमन थापा पनि निर्बिरोध भएका छन। दवाडी र पाण्डे पोखरामा रहेर लामो समय देखि पत्रकारितामा सक्रिय छन ।
गण्डकी प्रदेशबाट समाबेशी उपाध्यक्षमा गोरखाका दिपक श्रेष्ठ जलन र सचिबमा नवलपुरका दिपक भट्टराई पनि निर्बिरोध निर्बाचित भएका छन । यसरी गण्डकी प्रदेशबाट प्रेस सेन्टरको केन्द्रीय सदस्यमा दुई जना पदाधिकारी सहित छ जनाले प्रतिनिधित्व गर्ने नबनिर्बाचित केन्द्रीय सदस्य दवाडीले गुरुकुल खबरलाई जानकारी दिए ।
प्रेस सेन्टर नेपालको पाँचौँ महाधिवेशनको शनिवार पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल प्रचण्डले उद्घाटन गरेका थिए । प्रेस सेन्टर नेपालको महाधिबेशन आयोजक समिति, प्रदेश पदाधिकारी, जिल्ला अध्यक्ष, प्रतिनिधि र बाह्य मोर्चाका गरेर ८२१ जना प्रतिनिधि रहेकोमा ६७ प्रतिशत अर्थात् ५५१ मत खसेको थियो ।
केन्द्रीय समितिका पदाधिकारी एबम सदस्यहरुको नामावली ..
