काठमाडौँ, त्रिभुवन विश्वविद्यालय अन्तर्गत महाराजगन्ज नर्सिङ क्याम्पसको स्वतन्त्र बिद्यार्थी युनियनको अध्यक्षमा नेपाल बिद्यार्थी संघकी विन्दु पोखरेल निर्वाचित भएकी छन्। उनले २ सय ६० मत प्राप्त गरेर अध्यक्षमा निर्बाचित भएकी हुन। उनकी प्रतिद्वन्द्वी अनेरास्ववियुकी मनकुमारी बुढाले  २ सय ५९ मत प्राप्त गरेकी छन।

अन्य पदाधिकारी र सदस्यहरुमा पनि नेविसंघका उमेद्वारहरु अधिकांश पदमा बिजयी भएका छन। जस अनुसार सचिबमा स्वस्तिका तिवारी र कोषाध्यक्षमा बीनु भुर्तेल विजयो भएका छन् दुबैजना नेविसंघका तर्फबाट विजय भएका हुन् सदस्यहरुमा नेविसंघकी रोजिना कार्की, सुदिप शाह, दुर्गा बिष्ट र स्लेश्मा सुबेदी विजयो भएकोमा अनेरास्ववियुको तर्फबाट एकजना सदस्य प्रिया प्रधान बिजयी भएकी छन।

एक मतले नेविसंघको अध्यक्ष निर्बाचित भएपछि एमाले समर्थित अनेरास्ववियुले भने मतगणनामा धाँदली भएको जनाएको छ।  दुवै उम्मेदवारले समान २५९–२५९ मत पाएको तर, निर्वाचन समितिले धाँधली गरेर नेविसंघकी पोखरेललाई एक मत बढी ल्याएको जनाएर विजयो घोषणा गरेको भन्दै अनेरास्ववियुले विरोध गरेको हो।  

अनेरास्ववियुले समानुपातिकको मतगणना समेत बहिस्कार गरेको छ। उनीहरूले मत गणनामा धाँधली भएको भन्दै त्यसलाई सच्याउनुपर्ने माग गरेका छन्। निर्बाचन आयोगले घोषणा गरेको मतगणनाको परिणाम यस प्रकार रहेको छ।