झापा, पूर्वी नेपालको झापाली सांगीतिक भूमिमा रहेर संचार र गायन क्षेत्रमा लाग्दै आएका गायक तथा सङ्गीतकार निरज पोखरेलले नयाँ गीत ” नजाउ मलाइ एक्लै छोडी ..।” बोलको मारुनी भाका सार्बजनिक गरेका छन् ।
साहित्य क्षेत्रमा सक्रिय एबम दर्जनौ गीतका स्रस्टा भद्रपुरका कवि गीतकार सत्यनारायण तायलको शब्दमा उनी पोखरेलले संगित दिएका छन गीतमा गायिका मेलिना राईको पनि स्वर रहेको छ । काठमाडौँ स्थित ए लेवल स्टुडियोमा रेकर्डिङ भएको गीतमा झापाली सङ्गीतकार विकास चौधरीले गीतलाई एरेन्ज गरेका छन् ।
२०६० सालमा विकास चौधरीको संगित, गिरिराज निरौलाको शब्दमा पहिलो पटक “माथि है पर्यो फुङलिङ बजार .. ” भन्ने पुर्वेली लोकभाका जुनु रिजालसँग मिलेर गाएका पोखरेलले २०७२ सालमा आफ्नै शब्द, सङ्गीत र स्वरमा ” मेरो हजुरले मलाई. .”बोलको गीत स्रोतामाझ ल्याएका थिए ।
२०६० सालबाट कन्चनजङ्गा एफएममा प्राविधिकको रुपमा काम गरेर संचार क्षेत्रमा प्रवेश गरेका उनले करिव ४० भन्दा बढी गीतमा संगित भरेका छन, उनि हाल विभिन्न विद्यालयमा पियानो र नाटकको प्रशिक्षकको रूपमा कार्यरत छ्न ।
क्षितिज नाट्य प्रतिष्ठानमा संगित विभाग प्रमुख, डाइनामिक मिडिया ग्रुप नेपालका कोषाध्यक्ष, भद्रपुर नगरपालिका अन्तर्गत भदपुर साहित्य संगित कला प्रतिष्ठानका सदस्य , बहुभाषिक साहित्य संगित कला केंन्द्रको सदस्य निरज पोखरेल जेनियस मिडियाका प्रबन्धक पनि हुन ।
