Play

छोम्रोङमा सेन्चुरी ल्होसार मेलाको अबसरमा महिला र पुरुष बास्केटबल गरिंदै

गुरुकुल खबर


पोखरा,  कास्कीको अन्नपूर्ण गाउँपालिका –११ छोम्रोङमा सेन्चुरी युवा क्लबले ‘२३ औं सेन्चुरी ल्होसार मेला’ आयोजना गर्ने भएको छ । तमु समुदायको पर्व ल्होसारको अवसरमा यही पौष ११ गतेदेखि १४ गतेसम्म ल्होसार मेला आयोजना गरिने क्लबका वरिष्ठ सल्लाहकार राजकुमार गुरुङले जानकारी दिए ।

उनले संस्कृतिको संरक्षण, खेल तथा पर्यटनको प्रबर्दन गर्ने उद्देश्यसहित विगत लामो समयदेखि ल्होसार मेला सञ्चालन गर्दै आएको बताए । ‘हामीले विगत लामो समयदेखि ल्होसार मेला गर्दै आएका छौ, उनले भने, ‘यो वर्षपनि पुषको ११ गतेदेखि मेला राखेका छौ । यसले खेलकुदको विकाससँगै पर्यटन प्रबर्द्दनमा टेवा पुग्ने विश्वास लिएका छौं।’

उनका अनुसार सो मेलामा मुख्य आकर्षणको रुपमा भलिबल प्रतियोगिता, बास्केटबल प्रतियोगिता समावेश गरिएको छ ।  पुरुष भलिबल तथा बास्केटबल दुबै प्रतियोगिताको विजेता टिमलाई ८० हजार नगदसहित ट्रफी, मेडल र प्रमाणपत्र प्रदान गरिने बताइएको छ ।

यसै गरि दोस्रो र तेस्रो हुने टिमले क्रमशः ५० हजार र २५ हजार रुपैया सहित ट्रफी, मेडल र प्रमाणपत्र प्राप्त गर्ने छन । दुवै खेलमा सहभागिता जनाउन दर्ता शुल्क ५ हजार निर्धारण गरिएको छ ।

मेलालाई थप आकर्षक बनाउन विभिन्न साँस्कृतिक कार्यक्रम समेत हुने आयोजकले जनाएको छ ।

१० पुष २०८१, बुधबार १९:०७ मा प्रकाशित
Nabintech
  • सुचना विभाग दर्ता न. : ३११६-२०७८/७९
  • गोल्डेन मिडिया ग्रुप प्रा.लि. द्वारा संचालित
  • कार्यालय : पोखरा -०५, गण्डकी प्रदेश, कास्की
  • सम्पर्क नं. : 061-531533 / 9856022332
  • इमेल : [email protected]
Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सम्पादक :
रिता गुरूङ
सह सम्पादक :
शिराेमणी बराल
प्रतिनिधि :
अर्जुन ओझा