काठमाडौं, राप्रपा नेपालको तराई मधेस सम्मेलन आगामी कार्तिक २६ र २७ गते पर्साको बिरगंजमा हुने भएको छ । दुई दिन सम्म चल्ने सम्मेलनमा तराई मधेस क्षेत्रका २२ जिल्लाबाट २५० प्रतिनिधिहरुको सहभागिता रहने जानकारी पार्टीका केन्द्रीय उपाध्यक्ष राजिब पराजुलीले दिए
सम्मेलनमा तराई मधेसको आर्थिक ,सामाजिक ,सांस्कृतिक र राजनीतिमा केन्द्रित रहि महत्त्वपूर्ण छलफल गर्ने कार्यतालिका रहेको महामन्त्री राजाराम बर्तौलाले बताए ।
सम्मेलनमा पार्टी अध्यक्ष कमल थापाले राजनीतिक कार्यपत्र प्रस्तुत गर्ने कार्यक्रम छ कार्यक्रमको लागि आबश्यक सम्पुर्ण तयारी पूरा भएको पार्टीका केन्द्रीय उपाध्यक्ष राजिब पराजुलीले जानकारी दिए ।
उपाध्यक्ष पराजुलीका अनुसार पार्टीका अर्का उपाध्यक्ष धिरेन्द्र झाले मधेसको बिकास र समृद्धिमा देखिएको सम्भावना र चुनौतीका बारेमा कार्यपत्र पेश गर्नेछन् ।
एजेन्डाको दृष्टिकोणबाट तराई मधेस क्षेत्रलाई राप्रपा नेपालले आफ्नो उर्बर भुमी मानेर विशेष महत्व दिदै आईरहेको छ ।
