पोखरा, पोखराका उद्योगी ब्यबसायीको छाता संस्थाको रुपमा रहेको पोखरा उद्योग बाणिज्य संघमा नयाँ कार्यसमितिको लागि भएको निर्बाचनको मतगणना आइतबार बिहान बाट जारी छ।
सदस्यहरुको मतगणना सकिएपछि अध्यक्ष र उपमहसचिब पदको मतगणना हुने बताइएको छ।
हाल सम्म १ हजार ५ सय मत गणना भैसकेको छ प्राप्त जानकारी अनुसार हाल खुल्ला तर्फका १० सदस्यको मत गन्ने काम भैरहेको छ।
यस अगाडी नै संघको नयाँ कार्यसमितिको लागि बिभिन्न पदाधिकारी र सदस्य सहित आठ जना निर्बिरोध भएका छन।
जस अनुसार संघको बरिष्ठ उपाध्यक्षमा उत्तममान बुद्दाचार्य, उद्योग तर्फको उपाध्यक्षमा दिनेश बाँस्तोला, बाणिज्य तर्फको उपाध्यक्षमा बलराम आचार्य, महासचिबमा शोभा गौतम र कोषाध्यक्षमा मनोज श्रेष्ठ रहेका छन। बाणिज्य तर्फको उपाध्यक्षमा उमेद्वारी दिएका रामेश्वर अधिकारीले उमेद्वारी फिर्ता लिएपछि बलराम आचार्य पनि निर्बिरोध भएका हुन
यसै गरि कार्यसमितिको सदस्यहरुमध्ये कर्पोरेट सदस्य तर्फ बन्दना केसी र राम कंडेल तथा औधोगिक सदस्यमा एक नारायण पौडेल पनि निर्बिरोध भएका छन।
संघको अध्यक्षमा भने हालका बरिष्ठ उपाध्यक्ष गोकर्ण कार्की र पूर्व महासचिब अर्जुन पोखरेल बीच प्रतिस्पर्धा भएको हो।
उपमहासचिव पदमा बालकृष्ण कोइराला र सुदीप प्रधानाङ्गको बीच प्रतिष्पर्धा भएको छ।
यसबाहेक चारजना वस्तुगत संघ तर्फको सदस्य पदका लागि भने ७ जनाबीच प्रतिस्पर्धा भएकोमा सुर्य घिमिरे, दुर्गा बराल, पृथ्वीराज तिमिल्सिना र नबिन नापित बिजयी घोषित गरिएको छ ।
वस्तुगत तर्फबाट सदस्य पदका लागि दुर्गा बराल, नवीन नापित, पूर्णशोभा गुरुङ, पृथ्वीराज तिमिल्सिना, सूर्यराज घिमिरे (सुरेश), दीपेन्द्र कोइराला र लालप्रसाद ढकाल चुनाबी मैदानमा उत्रिएका थिए ।
बस्तुगत तर्फ जम्मा २८ मत रहेकोमा २७ मत खसेको थियो जस अनुसार घिमिरेले २२, बरालले २१ र तिमिल्सिनाले २० मत पाएर बिजयी भए भने नबिन नापित र दिपेन्द्र कोइराला दुबैको १४ /१४ मत आएकोले गोला प्रथाबाट नबिन नापित बिजयी भएका हुन् ।
अन्य उमेद्वारहरु पूर्णशोभा गुरुङ र लाल प्रसाद ढकालले क्रमश १० र ११ मत पाएका थिए।
प्रत्यक्ष निर्वाचित हुने १० जना कार्यसमिति सदस्यका लागि पनि १४ जनाले उमेद्वारी दर्ता गराएका छन ।
खुल्ला तर्फका सदस्यहरुले प्राप्त गरेको हाल सम्मको मत विवरण यस प्रकार छ।
