पोखरा, श्रीकृष्ण प्रणामी सेवा समिति पोखरा -८ ले यहि श्रावण १० गते श्रावण कृष्णपञ्चमी देखि भदौ १० गते भाद्र कृष्णअष्टमीसम्म पोखराको रत्नचोकमा श्रीमदवीतक चर्चा एवं श्रीकृष्ण कथा प्रवचन गर्ने भएको छ श्रीकृष्ण प्रणामी मन्दिर रत्नचोकमा एक महिनासम्म हुने उक्त कार्यक्रमको सन्दर्भमा बुधवार पोखरामा कलश यात्रा सम्पन्न गरिएको छ।

श्रीकृष्ण प्रणामी मन्दिर पोखरा ८ रत्नचोकबाट शुरु भएको कलश यात्रा रत्नचोक, सिर्जनाचोक, सभागृह चोक, पृथ्वीचोक, नागढुंगा, चरक हस्पिटल, इन्द्रपुरी टोल, जनप्रियमार्ग हुँदै पुन श्रीकृष्ण प्रणमी मन्दिरमा पुगी सम्पन्न भएको श्रीकृष्ण प्रणामी सेवा समितिका अध्यक्ष मोहन प्रसाद ढकालले जानकारी दिए । कलश यात्राको कार्यक्रम संयोजन बाइजुराज महिला समितिका अध्यक्ष विष्णु पराजुलीले गरेकी थिइन भने कार्यक्रमको सञ्चालन समितिका सचिव लक्ष्मण बरालले गरेका थिए।

अध्यक्ष ढकालका अनुसार एक महिने श्रीमदवीतक चर्चा एवं श्रीकृष्ण कथा प्रवचन कार्यक्रममा श्रीकृष्ण प्रणामी धर्मका धर्म प्रचारक तुलसी स्वरुप महाराजबाट संगीतमय कथा प्रवचन हुने छ।

यसैविच उक्त कार्यक्रमको श्रावण १० गते बिहिबार गण्डकी प्रदेशका सामाजिक बिकास तथा स्वास्थ्य मन्त्री विन्दुकुमार थापाले उद्घाटन गन कार्यक्रम रहेको श्रीकृष्ण प्रणामी सेवा समिति श्रीकृष्ण मन्दिर पोखरा ८ का निवर्तमान अध्यक्ष तथा कार्यक्रम संयोजक पुरुषोत्तम रेग्मीले जानकारी दिए।