पोखरा, गण्डकी प्रदेशको मुख्यमन्त्री तथा मन्त्रीपरिषदको कार्यालयको वेबसाइटमा विभिन्न मन्त्रालय र निकायका सचिबहरुको विवरण गलत रहेको भएपनि मंगलबार उक्त विवरणलाई सच्याईएको छ । सोमबार गुरुकुल खबर अनलाइनले मुख्यमन्त्री कार्यालयको वेबसाइटमा सहि सूचना नभएको भन्दै समाचार प्रकाशन गरेको थियो ।

मुख्यमन्त्री एबम मन्त्री परिषदको कार्यालय र विभिन्न मन्त्रालय सहित गण्डकी प्रदेश अन्तर्गतका विभिन्न निकायमा रहेका सचिबहरु मध्ये अधिकांश सचिबहरुको विवरण गलत राखिएको भन्दै गुरुकुल खबरमा समाचार प्रकाशन भएको थियो।

वेबसाइटमा महिनौ अगाडी सरुवा भएर गएका सचिवहरुको नाम राखिएको तर बहालवाला सचिवको नाम सम्पर्क नम्बर नहुँदा नागरिकहरु समेत समस्यामा परेको भन्दै समाचार प्रकाशन भएको थियो।

गण्डकी प्रदेशका विभिन्न मन्त्रालयको सचिब को को ? मुख्यमन्त्री कार्यालयको वेबसाइटमा भर पर्दा समस्या..

मंगलबार दिउँसो उक्त वेबसाइट अपडेट गरेर सबै मन्त्रालय र निकायका सचिबहरुको विवरण अध्यावधिक गरिएको मुख्यमन्त्री एबम मन्त्रीपरिषदको कार्यालयले जनाएको छ।