पोखरा,  कास्कीको पोखरा महानगरपालिका वडा नं.१८ चिसाखोला नजिक मेथलाङबाट बाग्लुङ बसपार्क तर्फ आउँदै गरेको जीप चिसाखोलामा दुर्घटना हुदा एक जनाको मृत्यु भएको छ भने दुइ जना घाइते भएका छन् ।

ग ३ च २६०३  न.को दुध बोक्ने सिङ्गल क्याब  बोलेरो जीप सडकको दाँया तर्फ  करिब २० फिट तल खसेर दुर्घटना हुन पुगेको थियो दुर्घटनामा परि मृत्यु हुनेमा जीपका चालक पोखरा महानगरपालिका -१८ बस्ने ४९ बर्षीय कृष्ण थापा रहेका छन् घाइतेहरुको मणिपाल हस्पिटलमा उपचार भैरहेको छ ।

यसैगरि दुर्घटनामा परि घाइते हुनेमा सोहि ठाउँ बस्ने ६९ वर्षकी हिमकला थापा र ७० बर्षकी चन्द्रकला थापा रहेको जिल्ला प्रहरी कार्यालय कास्कीले जनाएको छ जीप चालक थापाले आफ्नो नजिकका बृद्धा चन्द्रकला र हिमकला लाइ वृद्धभत्ता लिन को लागी गाडीमा लिएर जाँदै गरेको बेला दुर्घटना भएको बुझिएको छ ।

दुर्घटना भएको खबर पाए लगत्तै वडा प्रहरी कार्यालय बगरबाट प्रहरी निरिक्षकको कमाण्डमा १३ जनाको टोलि घटनास्थल पुगेर उद्वार गरेको र सवारी साधन ट्राफिक प्रहरीको नियन्त्रणमा रहेको समेत प्रहरीले जनाएको छ ।