पोखरा, गुडिरहेको कारले ठक्कर दिंदा पोखरामा मंगलबार दुई पैदलयात्रीको निधन भएको छ । पोखरा महानगरपालिका वडा नं. ५ प्रस्याङ स्थित सिद्धार्थ बैंक अगाडी बागलुङ बसपार्कबाट जिरो कि.मी. तर्फ जादैँ गरेको बा १३ च ३७२१ नं.को कारले ठक्कर दिंदा पैदल यात्रीको निधन भएको प्रहरीको भनाई छ ।

मृत्यु हुनेमा बाग्लुङ ढोरपाटन न.पा. ६ घर भई हाल जिल्ला कास्की पोखरा म.न.पा. ३ नदीपुर बस्ने बर्ष २० का ढालेन्द्र छन्त्याल र नाम थर वतन नखुलेका अं. बर्ष ३५ को जस्तो देखिने पुरुष व्यक्ति रहेको जिल्ला प्रहरी कार्याल कास्कीले जनाएको छ ।

कारले ठक्कर दिंदा घाईते भई उपचारको लागि उनीहरुलाई पश्चिम क्षेत्रीय अस्पताल गण्डकी पठाइएको र अस्पतालमा उनीहरुलाई मृत घोषणा गरिएको हो । कार चालक फरार रहेको जनाइएको छ ।