पोखरा, ठगी र अवैध असुलीको आरोपमा प्रहरीले चार जनालाई पक्राउ गरेको छ । फेवा ताल किनारमा फोटोग्राफी गर्ने युवाहरुबाट प्रति व्यक्ति १३ हजार पाँच सय रुपैयाँका दरले असुली गरेको आरोपमा पक्राउ पर्नेमा वडा ६ का सदस्य ४२ वर्षीय दिपेन्द्र पहारी पनि छन् ।

जिल्ला प्रहरी कार्यालय कास्कीका अनुसार पक्राउ पर्नेमा लेकसाईड बस्ने ४१ वर्षीय विकास पहारी, ठाउँ बस्ने वर्ष २२ का प्रवीन विश्वकमा र लेकसाइडकै वर्ष २४ का अभिषेक परियार तथा अप्पे भन्ने अभिषेक बराल पनि रहेका छन् ।

पोखरा महानगरपालिका वडा नं.६ लेकसाइड स्थित फुटट्रायकमा फोटोग्राफी गरे बापत मिलन पहारी समेतले हामीहरूलाई विभिन्न किसिमबाट धम्काई प्रतिव्यक्ति रु. १३,५०० लिएको र मा निजहरूले हामीहरूको नाउँमा फोटोग्राफी व्यवसायी दर्ता नगरी ठगी गरेको भनी १५ जनाले जाहेरी दिएका थिए । उनीहरुको जाहेरीको आधारमा जिल्ला प्रहरी कार्यालय कास्की र वडा प्रहरी कार्यालय बैदामबाट खटिएको प्रहरी टोलीले उनीहरुलाई पक्राउ गरेको हो ।