पोखरा, सरकारले गठन गरेको सुन तस्करी छानविन सम्वन्धि आयोगले आफ्नो काम थालेको छ । सुन तस्करी प्रकरण छानबिनका लागि सरकारद्वारा उच्चस्तरीय जाँचबुझ आयोग गठन गरिएको थियो ।

तस्करी छानविनका लागि कार्यालय समेत स्थापना गरिएको छ । गृहमन्त्रालयको पुरानो भवन परिसरमा कार्यालय राखेर काम सुरू गरिएको हो । बुधबार बसेको आयोगको बैठकले केही निर्णयसहित औपचारिकरूपमा काम सुरू गरिएको अध्यक्ष डिल्लीराज आचार्यले बताए ।

छानविन आयोगद्वारा आयोजित पत्रकार सम्मेलनमा इलेक्ट्रोनिक सिगरेट (भेप्स) र साउन २ गते ब्रेक सुबाट गरिएको सुतनतस्करीलगायतका अन्य तस्करीजन्य विषयमा तथ्यगत जानकारी र सुझावका लागि सञ्चारमाध्यमबाट सूचना प्रकाशन गर्ने विषय सो अवसरमा स्पष्ट पारियो ।

सुन तस्करीको पूर्ण नियन्त्रण गर्न मौजुदा कानूनमा गर्नुपर्ने परिमार्जन र संरचनात्मक सुधार, यसअघिका तस्करीको छानबिन तथा अध्ययन र निष्कर्ष तथा प्रभाव, तस्करीमा संलग्न व्यक्तिहरूको संलग्नता र थप अनुसन्धानलगायतमा विषयमा पनि अध्ययन गर्ने विषय पनि पत्रकार सम्मेलनमा अवगत गराइयो ।