आयोजनाबाट उत्पादित विद्युत नेपाल विद्युत प्राधिकरणको लेखनाथ सबस्टेसनमा जोडिएको छ । विद्युतगृहदेखि माथिल्लो मादीको पावरहाउस सम्म करिब ९ किलोमिटर प्रसारण लाइन रहेको छ ।
वर्षा याममा ४४ मेगावाट क्षेमताको सुपरमादीले पिपिए अनुसार चैतमा १३ मेगावाट क्षेमता भएपनि १५ मेगावाट उत्पादन गरेको सुपर मादी हाइड्रोपावर कम्पनीका अध्यक्ष पुष्पज्योती ढुङ्गानाले बताए । उनले बिहीबारबाट परीक्षण उत्पादन गरेर पनि शनिबार देखी नियमी उत्पादन शुरु भएको बताए ।
७ अर्ब ६५ करोड लागत अनुमान गरिएको आयोजनामा १ अर्व भन्दा बढि लागत बढेको उनले बताए ।
मादी किनारको कलबन्दीबाट सुरु हुने सुपर मादीको ६ किलोमिटर सुरुङ मार्ग छ भने कमजोर भोगोलीक अवस्थाका कारण करिब ८ सय मिट पेनस्टक पाइप सुरुङ्ग भित्र जडान गरेको उनले बताए ।
मादीको सोंदामा पावर हाउस रहेको सो हाइड्रोपावरको काम २०७५ साल मंसिरबाट काम थालेको थियो ।
सानिमा बैंकको अगुवाईमा कुमारी बैंक, कृषि विकास बैंक, राष्ट्रिय वाणिज्य, एनआइडिसिएल र प्रभु बैंक लगाएतले लगानी रहेको छ । लगानीकर्ताले २ अर्व १० करोड लगानी गरेका छन् ।
आयोजनाबाट वार्षिक २४२.६५ गिगावाट घन्टा बिजुली उत्पादन हुनेछ । उत्पादित विद्युत विद्युतगृहदेखि ९ किलोमिटर दूरीमा रहेको माथिल्लो मादी विद्युतगृह नजिकैको सबस्टेसनमा जोडेको छ । सबस्टेसनसम्मको आवश्यक ३३ केभी प्रसारण लाइन कम्पनी आफैले बनाएको हो ।
