पोखरा। अमेरिकाको भुटनीज युथ सकर क्लब २२ औं संस्करणको आहा १ रारा पोखरा गोल्डकप फुटबलको सेमिफाइनलमा प्रवेश गरेको छ ।
मंगलबार पोखरास्थित पोखरा रंगशालामा सम्पन्न अन्तिम तथा चौंथो क्जार्टरफाइनल खेलमा मनाङ्ग मर्स्याङ्गदी क्लबलाई १-० गोलले पराजित गर्दै भुटनीज युथ सकर सेमिफाइनलमा प्रवेश गरेको हो ।
भुटजीन क्लबले प्रतियोगिताको पहिलो खेल जित्दै सेमिफाइनलमा प्रवेश गर्दा ६ पटकको च्याम्पियन मनाङ्ग भने हारसँगै प्रतियोगिताबाट बाहिरीएको छ ।
भुटनीज युथको जितका लागि प्रविन बस्नेतले एक मात्र निर्णायक गोल गरेका हुन् । प्रविनले खेलको पहिलो हाफको १८ औं मिनटमा गरेको गोल नै भुटनीज युथको जितको लागि निर्णायक गोल बन्यो ।
यससँगै आहा रारा गोल्डकपमा सेमिफाइनल समिकरण समेत पुरा भएको छ । सेमिफाइनल चरणको खेलहरुको बुधबारबाट शुरु हुनेछ ।
बुधबार हुने पहिलो सेमिफाइनल खेलमा संकटा क्लब र एपीएफ क्लबबिच प्रतिस्पर्धा हुँदैछ ।
बिहीबार हुने दोश्रो सेमिफाइनल खेलमा चर्च ब्वाइज युनाइटेड र अमेरिकाको भुटनीज युथ सकर क्लबबिच प्रतिस्पर्धा हुनेछ ।
सहारा क्लबको आयोजनामा जारी प्रतियोगितामा १० टोलीको सहभागिता रहेको छ । प्रतियोगिताको विजेताले १२ लाख र उपविजेताले ६ लाख पाउने छन् ।
यस्तै विधागततर्फ उत्कृष्ट पाँचले जनही २५ हजार, सर्वाधिक गोलकर्ताले २५ हजार र म्यान अफ द म्याचले ८ हजार पाउने छन्।
