पोखरा । ट्रान्सपरेन्सी इन्टरनेशनल टीआई नेपालको २७ औँ वार्षिक साधारणसभाले पद्मिनी प्रधानाङ्गलाई अध्यक्ष पदमा पुनः निर्वाचित गरेको छ ।
सभाले कार्यसमिति सदस्यमा सबिता भण्डारी बराल, शरदचन्द्र वस्ती, सिताराम अग्रहरी, मदनकृष्ण शर्मा, महेन्द्र नारायण श्रेष्ठ, हरि बहादुर थापा, सुनिता गुरुङलाई निर्वाचित गरेको छ ।
अध्यक्ष लगायत सम्पूर्ण कार्यसमिति सदस्य निर्विरोध निर्वाचित भएका छन् । कार्यसमितिका उपाध्यक्ष, महासचिव, कोषाध्यक्षको मनोनयन अध्यक्षद्वारा गरिने व्यवस्था संस्थाको विधानमा रहेको छ ।
सभाले संस्थाको आर्थिक वर्ष २०७८र०७९ को वार्षिक प्रगति प्रतिवेदन र लेखापरीक्षकको प्रतिवेदन पनि पारित गरेको छ ।
भ्रष्टाचार विरुद्धको राजनीतिक प्रतिवद्धता र शुन्य संवेदनशिलता नारामा मात्र सिमित रहेको र संघीय संरचना र लोकतान्त्रिक व्यवस्था सुदृढ भई आम नागरिकको जीवनस्तरमा सकारात्मक प्रभाव पर्ने अपेक्षा अझै कार्यान्वयन हुन नसकेको कार्यकारी निर्देशक आशिष थापाले बताए ।