पोखरा। पोखरा महानगरपालिका वडा नं ७ शान्तिनगरचोकबाट कारमा लिफ्ट दिएर एक महिलालाई सामुहिक बलात्कार गरेका छन् ।
भदौ १४ गते बिहान बगर जानकालागि बस कुरीरहेकी एक किशोरीलाई कारमा लिफ्ट दिएर महिलाको डेरा बगर सम्म पु¥याइदिने भन्दै उनीहरुले कास्कीको माछापुच्छे गाउँपालिका लगेर बलात्कार गरेको भन्दै महिलाले कास्की प्रहरीमा जबर्जस्ती करणीमा उजुरी दिएकी छन् ।
माछापुच्छे गाउँपालिका वडा नम्बर ३ मा रहेको एक बंगुर फर्ममा लगी कर्मचारी बस्ने कोठामा ९ जनाले नै पटक पटक बलात्कार गरेको प्रहरीलाई बताएका कास्कीका प्रहरी प्रवक्ता डिएसपी सुन्दर तिवारीले गुरुकुल खबरलाई जानकारी दिए ।
पिडित महिलाले १५ गते बेलुकै नै उजुरी दिएको डिएपी तिवारीले बताए । बलात्कारको आरोपमा ८ जनालाई पक्राउ गरी सकेको र १ जना अझै फरार रहेको उनले बताए ।
पक्राउ परेकालाई जिल्ला अदालत कास्कीबाट पहिलो पटक ७ दिन र दोस्रो पटक ५ दिनको म्याद थप गरी अनुसन्धान भइरहको उनले बताए । थप एक जनाको पनि खोजी भइरहेको डिएसपी तिवारीले जानकारी दिए ।
