पोखरा , मुक्तिनाथ बिकास बैंकले आफ्ना ग्राहकको हितलाई ध्यानमा राखेर निक्षेपकर्ताहरुको लागि मुक्तिनाथ गज्जब मुद्दती योजना संचालनमा ल्याएको छ ।
अत्यन्त लाभदायी ब्याजदर प्रदान गर्ने न्युनतम अवधिमा तेब्बर सम्म प्रतिफल दिने खालको नया योजना संचालनमा ल्याएको मुक्तिनाथ बैकका प्रमुख सुचना अधिकारी तिल बहादुर गुरुड़ले गुरुकुल खवरलाई जानकारी दिए ।
यो नया योजना अन्तर्गत व्यक्तिगत मुद्दती ख़ातामा ९ वर्ष ४ महिना १८ दिनमा तेब्बर र व्यक्तिगत रेमिट्यान्स मुद्दतीमा ८ वर्ष ७ महिना २८ दिनमा तेब्बर हुने व्यवस्था गरिएको छ ।
त्यस्तै व्यक्तिगत मुद्दती खातामा ५ वर्ष १० महिना १८ दिनमा दोब्बर प्रतिफल र व्यक्तिगत रेमिट्यान्स मुद्दतीमा ५ वर्ष ५ महिना ६ दिनमा दोब्बर हुने व्यवस्था गरिएको छ । यो योजनाबाट धेरै ग्राहकहरु लाभान्वित हुने विश्वास बैकले लिएको छ ।
बैंकले डिजिटल बैंकिंग कारोबारलाई प्रोत्साहन गर्न बैकको एटिएम कार्ड प्रयोग गरि नेपाल भर रहेको भिसा नेटवर्कमा आवद्ध जुनसुकै बैकको एटिएम मेशिनबाट निःशुल्क रकम झिक्ने व्यवस्था गरेको छ ।
यस बाहेक बैंकले डिजिटल सेवा समेत बिस्तार गरि बचत सेवा वा क़र्ज़ा सेवाका लागि ग्राहकहरु बैकको शाखा पुग्न नपर्ने गरि व्यवस्था गरेको जनाएको छ ।
