पोखरा । पोखरा महानगरपालिका प्रमुखमा गठबन्धन दलका साझा उम्मेदवार एकीकृत समाजवादीका धनराज आचार्य विजयी भएका छन् । निकटतम् प्रतिद्वन्द्वी नेकपा एमालेका कृष्ण थापालई ६ हजार ४५ मतान्तरले पराजित गर्दै आचार्य निर्वाचित भएका हुन् ।आचार्यले ५८ हजार ८ सय ९३ मत प्राप्त गर्दा थापाले ५२ हजार ८ सय ४८ मत पाए ।उपप्रमुखमा नेकपा एमालेकी मञ्जुदेवी गुरुङ विजयी भएकी छन् । विजयी गुरुङले ६० हजार ५ सय ४६ मत प्राप्त गरीन् । उनकी निकटतम् प्रतिस्पर्धी नेपाली कांग्रेसकी कोपिला रानाभाटले ५६ हजार ६ सय ६३ मत प्राप्त गरिन् । गुरुङले रानाभाटको भन्दा ३ हजार ८ सय ८३ मत बढि ल्याइन् ।
राप्रपाकी रन्जनाकुमारी सेन पौडेलले ५ हजार ६ सय ९९ प्राप्त गरीन् ।
प्रमुख पदमा राप्रपाका शंकर खरालले ५ हजार ६ सय ७४ मत प्राप्त गरे भने स्वतन्त्र लौरो चिन्नका उमेद्वार खडकराज पौडेल गनेशले ३ हजार ३० मत प्राप्त गरे ।
पोखरा महानगरपालिकाका ३३ वटा वडामा नेपाली काग्रेसले २३ वटा वडामा विजय प्राप्त गरे
नेकपा एमालेले ९ वटा वडामा जीत हात पारे भने एक जना स्वत्रन्त्र उमेद्वार वडा अध्यक्ष्मा विजयी भएका छन् ।
