पोखरा । पत्रकार रुद्र श्रीसमगरलाई कर्म–कर्ण आदिवासी जनजाति पत्रकारिता पुरस्कार २०७९ प्रदान गरिने भएको छ ।
तमु धिं नेपालकी संस्थापक अध्यक्ष कर्म तमुले आफ्नो बैवाहिक वर्ष गाँठको अवसर पारी प्रदान गरिदै आएको सो पुरस्कार आउँदो असार २९ गते एक कार्यक्रमका बीच श्रीसलाई प्रदान गरिने भएको हो ।
पत्रकार हुम बहादुर गुरुङको संयोजकत्वमा र सदस्यहरु दीपेन्द्र श्रेष्ठ, एमबि आस्था मगर, जुना कुमारी गुरुङ र दिल प्रसाद गुरुङको छनौट समितिले श्रीसलाई सिफारिस गरिएको हो।
सोही कार्यक्रममा २०७९ सालको स्थानीय निर्वाचनमा निर्वाचित पोखरा महानगरपालिकाका उपमेयर मन्जुदेवी गुरुङ, अन्नपूर्ण गाउँपालिका वडा नं ९ मा अध्यक्षमा निर्वाचित फोनिज कास्कीका निवर्तमान कोषाध्यक्ष रमेश गुरुङ र मादि गाउँपालिका वडा नं १ मा अध्यक्षमा निर्वाचित देवीजङ्ग गुरुङलाई पनि सम्मान तथा बधाई ज्ञापन गरिने कार्यक्रम रहेको बताइएको छ।
कार्यक्रमलाई सफल पार्न बिनाकुमारी थापालाई अतिथि सत्कार, मन प्रसाद गुरुङलाई मन्च व्यवस्थापन, सुशील श्रेष्ठलाई प्रचारप्रसार र दिल प्रसाद गुरुङलाई अर्थ समितिको संयोजकको जिम्मेवारी दिईएको छ।
गण्डकी प्रदेशका प्रदेश प्रमुख पृथ्वीमान गुरुङको प्रमुख आतिथ्यमातामा कार्यक्रम गरिने आयोजकले जनाएको छ ।
प्रतिक्रिया लेख्नुहोस्:-