मंगलबार दिउँसो प्रकाशमान सिंहको निवासमा भएको बैठकमा साझा उम्मेदवारबारे सहमति जुट्न नसकेपछि बुधवार विहान अनुपम फूडल्यान्डमा संस्थापनइतर समूहका जिल्ला सभापति र पूर्व जिल्ला सभापति सहितको छलफल आयोजना गरिएको थियो । छलफल निष्कर्षविहीन भएपछि दिउँसो सिंहको घरमा केन्द्रीय सदस्य सहितको बैठक शुरू भएको हो ।
मंगलवारको बैठकमा महामन्त्री शशांक कोइरालाले सभापतिको प्रतिस्पर्धाबाट आफू पछि हट्ने संकेत गरेका थिए
बुधवारको बैठकमा सभापतिसहित पदाधिकारीको पनि प्यानल बनाउने विषयमा समेत छलफल भइरहेको चाक्सीबारी स्रोतले बताएको छ ।
संस्थापनइतर पक्षबाट सभापतिमा एकभन्दा बढी उम्मेदवार बने पनि पदाधिकारी र केन्द्रीय समितिको लिस्ट भने साझा बनाउने सहमति नेताहरूले यसअघि नै गरेका थिए ।
नेपाली कांग्रेसको १४औं महाधिवेशन मंसिर २४ गतेदेखि काठमाडौंमा शुरू हुँदैछ । नयाँ नेतृत्व चयनका लागि मंसिर २५ गते मनोनयन गर्ने कार्यक्रम छ ।
संस्थापन पक्षबाट पार्टी सभापति एवं प्रधानमन्त्री शेरबहादुर देउवा सभापतिको दाबेदार छन् । उपसभापति विमलेन्द्र निधिले पनि सभापतिमा उम्मेदवारी दिने घोषणा गरेका छन् तर संस्थापन पक्षले पनि पदाधिकारी उम्मेदवार तयार गर्न सकेको छैन ।
प्रतिक्रिया लेख्नुहोस्:-