कांग्रेस महाधिवेशन उत्कर्षमा, कास्की -३ मा उमेदवारहरुको रस्साकस्सी

नेपाली कांग्रेसको १४ औं महाधिवेशनको क्रममा हुने प्रदेश , क्षेत्र र जिल्ला अधिवेशनको लागि उमेदवारी प्रस्तुत गर्ने प्रतिस्पर्धा बढेको छ। सिमित संख्याका पदका लागि असिमित संख्यामा उमेदवारी प्रस्तुत हुंदै गर्दा नतिजा कसकों पक्षमा जानेछ भन्ने अनुमान गर्न समेत कठिन भएको छ ।

त्यसमाथी विभिन्न समुहमा परेर उमेदवार बन्ने प्रयास कार्यकर्ताले गर्दा र नेता मानिएकाहरुले पनि आँफ्नो अनुकुलका लाई मात्र समुहको उमेदवार बनाउन खोजेका कारण समुह बनाउने नेताले सोचें अनुसारको परिणाम आउनेमा शंका बढेको छ ।

उमेदवारी तय गर्दा पार्टीमा गरेको काम र भविष्यमा उसले पुर्याउन सक्ने योगदान, लिंग , भूगोल , जातीय आधार आदी हेर्नुपर्नेमा आफैसंग अनुकुल रहेको कार्यकर्ता मात्र खोज्ने प्रवृतिका कारण उमेदवारहरुबिचबाटै विभिन्न पदका लागि नया समुह जन्मिन सक्ने अनुमान पनि गरिएको छ ।

यसै क्रममा कास्कीको क्षेत्र नं ३ मा क्षेत्रीय सभापतिका लागि मनोज गुरुडं उमेदवार बन्ने संभावना बढेको छ । उनि संग खिमलाल बांस्तोला प्रतिस्पर्धामा आउने करिब निश्चित छ । गुरुडं यस अगाडीको महाधिवेशनमा पनि पनि सोही पदमा चुनाब लडेर पोषनाथ शर्मा संग झिनो मतले पराजित बनेका थिए ।बांस्तोला अहिलेको समितिका सचिव हुन ।

त्यस क्षेत्रमा मनोज गुरुडं र शुक्रराज शर्माको नेतृत्वको समुह बिच प्रतिष्पर्धा हुने देखिएपनि उमेदवार हुने आकांक्षा राख्नेहरुबिच नेताको बारेमा भन्दा पनि आंफ्नो उमेदवारी लाई कसरी बलियो बनाउने भन्नेमा सबै केन्द्रित छन र त्यही अनुसारको रणनीति बनाउने प्रयासमा छन ।

गुरुडं र शर्माको कुनै पनि समुहले बिश्वास नगरेको महादेव गुरुडंले अहिले शुक्रराजको समुहमा प्रवेश पाएको चर्चा छ । पहिले मनोज गुरुडंसंग जोडिएर फेरी त्यहांबाट अलग भएका महादेव गुरुडंलाई दुबै टिमले विश्वास नगरेको भएपनि पछिल्लो समयमा उनले शुक्रराज समुहमा प्रवेश खोजेका छन तर त्यस समुहमा पनि अधिकांशले विश्वास नगरेको बताईन्छ ! उनले आफु शर्माको समुहबाट र आफ्ना अनुकुलका कार्यकर्तालाई मनोज गुरुडंको समुहमा पठाएर चुनावी दौडमा लाग्ने योजना बनाएको छन। त्यसो गर्दा दुबै समुहको रणनिती बुझ्न र दुबै समुहबाट केही मत लिन सकिने उनको बुझाई छ ।

क्षेत्रीय समितिका लागि अझै सम्म उमेदवारीको टुंगो नलागेपनि क्षेत्रीय सचिव पदका लागि शितल अधिकारी , लक्ष्मी पौडेल, मेख तामागं , राजाराम पौडेल, भरत केसी लगायतको चर्चा छ ।

क्षेत्र नं ३ को प्रदेश ख को सभापति पदमा दिपक विर कुंवरको उमेदवारीलाई धेरैले रुचाएका छन । उनि संग जिवनाथ पौडेलले शर्माको समुहबाट प्रतिस्पर्धा गर्ने देखिएको छ । उपसभापति पदमा पदम बहादुर गुरुडं , आश बहादुर गुरुडं ( मैता) ,बिकास गुरुडं ,पार्वती कोईराला र बिनोद खड्का उमेदवार बन्ने सम्भावना छ । त्यस प्रदेशको सचिवमा ठाकुर बराल , शुक्रराज पौडेल , उपेन्द्र पराजुली लगायतका आकांक्षीहरु छन भने प्रदेश क मा दिपक पौडेल सभापतिमा उमेदवार बन्दै छन ।

यस क्षेत्रवाट महाधिवेशन प्रतिनिधि बन्न चाहानेहरुको लर्को पनि लामो छ । खुल्ला एवं आरक्षण कोटामा गरेर एक क्षेत्रबाट २५ जना महाधिवेशन प्रतिनिधि चुनिने प्रावधान रहेपनि ६० भन्दा बढ़ी आकांक्षीहरु देखिएका छन ।

जस अनुसार बाबुराम आचार्य ,गणेश बहादुर भट्टराई, ललित गुरुडं, रामचन्द्र त्रिपाठी ,भेषराज पराजुली, कृष्ण तिमिल्सिना , पुरुषोत्तम पराजुली, अमृत श्रेष्ठ, खेमराज पौडेल , मनोज गुरुडं, राज बहादुर गुरुडं, पोषनाथ शर्मा , डा कृष्ण प्रसाद  पौडेल , दिपक गुरुडं, शंकर ढुंगाना , विष्णु बहादुर क्षेत्री , लक्ष्मी बहादुर भट्टराई, बलराम गिरी , कृष्ण तिमिल्सीना , आई बहादुर गुरुडं, राम्जी अधिकारी, मुक्ती अधिकारी, भरत अधिकारी, भरत जंग कुँवर , खम्बा सिंह गुरुडं, आश बहादुर गुरुडं, भीम बहादुर गुरुडं, हरी लामीछाने , गोविन्द एल सी , शुक्रराज शर्मा , महादेव गुरुडं, दिपक गुरुडं, खुशीमान गुरुडं, यामनाथ तिमिल्सिना , दिवसमान प्रधानागं , भरत बहादुर अधिकारी, देवेन्द्र शेरचन , आनन्दराज मुल्मी , उमेश पराजुली , युवराज कुँवर , दुर्गा बहादुर सुनार , भरत बहादुर थापा , विकाश थापा , मन बहादुर बिक लगायतका पुरुषहरु आकांक्षी देखिएका छन ।

महिला तर्फबाट महाधिवेशन प्रतिनिधि बन्ने आकंक्षीहरुको संख्या पनि कम छैन । जस अनुसार कुल देवी बराल , गंगा केसी ,मन्दरा ढकाल, टेकन शोभा गुरुडं, शारदा पौडेल , बिजया चंचला रेग्मी , हिरा भट्टराई , पुनम भट्ट भट्टराई , खिम कुमारी गुरुडं, सिता अधिकारी,कमला बिन्दु बराल , गौमती थापा , बिन्दु कोईराला सुबेदी , गोमा सुबेदी , बिजयालक्ष्मी कोईराला, डिलमाया कोईराला , राधा अधिकारी , ई बिधा बराल , सरिता तिमिल्सीना र सिता गुरुडं महाधिवेशन प्रतिनिधि बन्ने दौडमा लागेका छन ।

आकंक्षीहरु मध्ये अधिकांशले जुन सुकै समुहमा परेर भएपनि उमेदवार बन्न प्रयास गर्ने क्रममा दुबै समुहमा आंफु स्वयं वा आँफ्ना नजिकका कार्यकर्ता र नेताहरुलाई सकेसम्म प्रयोग गरिरहेका छन ।