Trulli
अन्य

कोरोनाबाट शनिबार गण्डकीमा आठ जनाको मृत्यु

एकैदिन ५ सय १९ जनामा कोरोना पुष्टि

पोखरा ।  शनिबार गण्डकीका ५१९ जनामा कोरोना पुष्टि भएको छ। प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार २०१ जनामा गरिएको नमुना परीक्षणमा थप ५१९ जनाको रिपोर्ट कोरोना पोजेटिभ आएको छ ।

शनिबार संक्रमण पुष्टि हुनेमा गण्डकीका सात जिल्लाका छन् । जसअन्तर्गत कास्कीका ४५६ जनाको नमुना परीक्षण गर्दा २५५ जना, तनहुँका ३४२ जनाको परीक्षण गर्दा १०७ जना, गोरखाका १९७ जनाको परीक्षण गर्दा ५७ जना, लमजुङका ३२ जनाको परीक्षण गर्दा दुई जनामा कोरोना पुष्टि भएको छ।

यस्तै नवलपुरका ८३ जनाको परीक्षण गर्दा ५४ जना, स्याङ्गजाका ६० जनाको परीक्षण गर्दा ३६ जना र बागलुङका ३१ जनामा गरिएको परीक्षण आठ जनाको रिपोर्ट कोरोना पोजेटिभ आएको छ ।

शनिबार थपिएसंगै गण्डकीमा कोरोना संक्रमितको कूल संख्या ६७ हजार ७०२ पुगेको छ ।

यसैबीच शनिबार गण्डकीमा थप आठ जनाको मृत्यु पुष्टि भएको छ । मृत्यु पुष्टि हुनेमा स्याङ्गजाका एक जना, नवलपुरका दुई जना,  कास्की जिल्ला पोखरा महानगरका चार जना र पर्वतका एक जना छन् ।

अहिलेसम्म गण्डकीमा कोरोना संक्रमणका कारण ज्यान गुमाउनेको संख्या १०९६ पुगेको निर्देशनालयले जनाएको छ ।

Trulli

Related Articles

प्रतिक्रिया लेख्नुहोस्

Back to top button