Trulli
Breaking Newsराजनीतिविशेषसमाचार

विपक्षी गठबन्धनको बैठक सम्पन्न

देउवालाई प्रधानमन्त्री बनाउने निर्णय

काठमाडौं । नेपाली कांग्रेसमा सभापति शेरबहादुर देउवालाई प्रधानमन्त्री बनाउने विपक्षी गठबन्धनले निर्णय गरेको छ । प्रतिनिधि सभा पुनर्स्थापना गर्ने सर्वोच्च अदालतको आदेशपछि बसेको विपक्षी गठबन्धनको बैठकले देउवालाई प्रधानमन्त्री बनाउने निर्णय गरेको हो ।

सर्वोच्च अदालतले भोलि बेलुका ५ बजेसम्म कांग्रेस सभापति देउवालाई प्रधानमन्त्री नियुक्त गर्न परमादेश समेत जारी गरेको छ । बैठकमा नेपाली कांग्रेस सभापति शेरबहादुर देउवा, नेकपा माओवादी केन्द्रका अध्यक्षा पुष्प कमल दाहाल ‘प्रचण्ड’, नेकपा एमालेको माधवकुमार नेपाल , जनता समाजवादी पार्टीको उपेन्द्र यादव-बाबुराम भट्टराई र राष्ट्रिय जनमोर्चाका नेताहरु सहभागी थिए ।

गठबन्धनमा नेपाली कांग्रेस, नेकपा माओवादी, नेकपा एमालेको नेपाल पक्ष, जनता समाजवादी पार्टीको उपेन्द्र यादवबाबुराम भट्टराई पक्ष र राष्ट्रिय जनमोर्चा सम्मिलित छन् ।

बैठकबाट बाहिरिएपछि सञ्चारकर्मीहरुसँग कुराकानी गर्दै अध्यक्ष भट्टराईले सर्वोच्च अदालतको फैसलालाई गठबन्धनले स्वागत गरेको बताए । उनले अदालतको आदेशअनुसार नै भोलि कांग्रेस सभापति शेरबहादुर देउवाको नेतृत्वमा सरकार गठन हुने बताए । गठबन्धनलाई कसरी प्रभावकारी रुपमा अघि बढाउने र गठबन्धनको सरकार कसरी गठन गर्ने भन्ने विषयमा छलफल भइरहेको समेत उनले जानकारी दिए ।

Trulli

Related Articles

प्रतिक्रिया लेख्नुहोस्

Back to top button