Trulli
Breaking Newsगण्डकी प्रदेशप्रदेश गतिविधिविशेषसमाचार

बाढीमा एम्वुलेन्स पुरिंदा एक बिरामीको मृत्यु

एम्बुलेन्स चालक घाइते, पोखरामा उपचार हुदै

पोखरा असार १७ । बाढीमा परी पसगाउँ स्वास्थ्य चौकीको एम्वुलेन्स पुरिंदा एक बिरामीको मृत्यु भएको छ । एम्वुलेन्स पुरिंदा बिरामी ८१ वर्षकी गोमा अधिकारीको ज्यान गएको वडाध्यक्ष तोरणहादुर गुरुङले जानकारी दिए । 

ग१झ ४४८ नम्बरको एम्बुलेन्स चालक सुवास अधिकारी घाइते भएका छन् । माथिबाट बाढी आएपछि भाग्नेक्रममा एम्वुलेन्स चालक अधिकारीलाई बगाएको थियो । मादी गाउँपालिका वडा नं. ९ मुग्रीबेशीबाट बिरामी लिएर थुम्सीकोट आउनेक्रममा खहरे खोलामा एक्कासी बाढी आएर एम्वुलेन्स पुरेको सिक्लेसका देवीजंग गुरुङले जनाएका छन् ।

चालक अधिकारीलाई वडाध्यक्ष तोरणबहादुर गुरुङ, युवाहरु अर्जुन गुरुङ, दिनेश गुरुङ, समीर गुरुङ लगायतले उद्धार गरि उपचारका लागि पोखरा ल्याइएको बताइन्छ । उनको पोखरा स्वास्थ्य विज्ञान प्रतिष्ठानमा उपचार भइरहेको छ । एम्वुलेन्सका सहचालक भने सकुशल रहेकाछन् । 

Trulli

Related Articles

प्रतिक्रिया लेख्नुहोस्

Back to top button