पोखरा, आर्थिक वर्ष २०८२–८३ को बजेटमा कर्मचारीको तलब वृद्धि हुने अपेक्षा कर्मचारी वृत्तमा गरिएको भएपनि तलब भने बढेन । उनीहरुले पाउँदै आएको महँगी भत्ता भने तीन हजार रुपियाँले वृद्धि गरी पाँच हजार रुपियाँ बनाइएको छ । यस अगाडी कर्मचारीहरुले महंगी भत्ता बापत दुई हजार रुपैया पाउँदै आएका थिए

उपप्रधानमन्त्री तथा अर्थमन्त्री विष्णुप्रसाद पौडेलले बिहीबार संसदको बैठकमा बजेट प्रस्तुत गर्ने क्रममा उक्त जानकारी गराएका हुन्। कर्मचारी सम्बद्ध सङ्घ संस्थाले आगामी आर्थिक वर्षदेखि कर्मचारीको तलब थोरै भए पनि वृद्धि गर्नुपर्ने माग राखे पनि आर्थिक स्रोत व्यवस्थापन गर्नुपर्ने भएकाले तलब वृद्धि गर्न नसकिएको अर्थमन्त्री पौडेलले जानकारी गराए ।

मन्त्री पौडेलका अनुसार संस्थानको व्यवस्था सुधार गर्न जमिनको स्वामित्व नेपाल सरकारमै राख्ने नीति लिइने छ । सोहीअनुसार जनकपुृर चुरोट कारखाना, गोरखकाली रबर उद्योग, हेटौडा सिमेन्ट उद्योग लगायतका उद्योगको अध्ययन गरी सरकारी लगानी बढाइने उनले उल्लेख गरेका छन  ।

त्यस्तै, संस्थानमा आर्थिक भार पर्नेगरी विदेश भ्रमणमा रोक लगाइएको अर्थमन्त्री पौडेलले जानकारी गराए । संविधानले निर्दिष्ट गरेबमोजिम खर्च मितव्ययी बनाउन नीति तर्जुमा गरिने उउनको भनाइ थियो ।