पोखरा, नेपाल सरकार, भूमि व्यवस्था मन्त्रालयले कास्की जिल्लामा भुमि आयोगलाई पूर्णता दिएको छ। भूमिहीन दलित, भूमिहीन सुकुम्वासी र अव्यवस्थित बसोबासीको समस्या समाधान गर्ने उद्धेश्यका साथ् गठन गरिएको भुमि आयोगको कास्की जिल्ला सदस्यमा आशबहादुर गुरुङ र पशुपति भट्टराईको नियुक्ति संगै आय्पोगले पूर्णता पाएको हो ।
आयोगको खुला सदस्यमा नियुक्त आशबहादुर गुरुङ यस अगाडिको आयोगमा पनि सदस्यको रुपमा कार्यरत थिए उनि नेपाली काँग्रेस कास्की -३ को महाधिबेशन प्रतिनिधि समेत हुन । नेपाली काँग्रेसको भात्रीसंस्था लोकतन्त्रबादी आदिबाशी जनजाती महासंघको कास्की जिल्ला अध्यक्ष समेत रहेका गुरुङ बिगतमा भुमि अधिकार मंच लगायतका संस्थामा सक्रिय थिए।
बिज्ञ सदस्यको रुपमा नियुक्त पशुपति भट्टराई लामो समयदेखि नेविसंघको राजनीतिमा सक्रिय थिए। उनि हाल नेपाल तरुण दलको केन्द्रीय सदस्य समेत हुन। बिज्ञ सदस्यको लागि कम्तिमा स्नातक उत्तीर्ण हुनुपर्ने प्राबधान राखिएको बुझिएको छ। भट्टराईको जन्म तनहुँ जिल्लामा भएपनि उनि लामो समय देखि कास्कीमा रहेर राजनीतिक एबम अन्य गतिबिधिमा सक्रिय छन। उनि पोखरा बहुमुखी क्याम्पसको बिद्यार्थी कल्याणकारी क्लबका पूर्व अध्यक्ष समेत हुन।
भुमि आयोग कास्कीको अध्यक्षमा बैनबहादुर गुरुङ र महिला सदस्यमा कृष्णकुमारी दवाडीको नियुक्ति यस अगाडी नै भैसकेको थियो। अध्यक्ष गुरुङ र महिला सदस्य दवाडी नेकपा एमालेको कोटाबाट र खुल्ला सदस्य गुरुङ र बिज्ञ सदस्य भट्टराई नेपाली काँग्रेसको कोटाबाट नियुक्त भएको हुन। दुई जना नबनियुक्त सदस्यहरुले आइतबार नै सपथ लिएर कार्यभार सम्हालेको बताइएको छ ।
विभिन्न ७१ जिल्लामा भुमि आयोगको अध्यक्ष नियुक्त, कास्कीको अध्यक्षमा एमालेका बैनबहादुर
